التعافي من الألم أو الفقد أو الأذى بياخد وقت
اللى بيقدر يتعافى صح هو اللي بيعترف بغلطه وبيتعلّم منها وبيقبل مشاعره و بيحترمها
و بيسمح لنفسه يجيب آخر الحزن والألم عشان يقدر يتجاوزه
💠 اقبل اللي مش قادرة تغيّره
السخط اللي بيحصل علي حاجات مستحيل تتغيّر
بتسأل تساؤلات وجودية عن حاجات مش تحت سيطرتك أصلًا
بلاش تعيَّش نفسك في دور الضحية
اللي حصل حصل
الألم ممكن يكون مش مسؤوليتك لكن علاجه وتجاوزه والتعافي منه مسؤوليتك
💠 حرر مشاعرك..
اسمح لنفسك تعيط لما تكون محتاج ده
احنا كائن شعوري كلنا جوانا مشاعر محتاجين نحررها
كتم المشاعر مؤذي وقاسي
المشاعر موجودة عشان تُفعّل ونتعلم منها ونستفيد من رسالتها
حجم مشاعر الحزن في العادة بيكون مساويًا لحجم الخسارة... اختبر هذه المشاعر ولكن لا تسكن هناك...
💠 اعتنق العقلانيه
ربنا مدينا عقل وقلب ولسان
عشان نفكر ونحس ونتعامل صح
ادعي ربنا يرزقك قلب سليم ونضف قلبك من الحقد ومن الحسد ومن الرياء
عشان تقدر تاخد نيّة حقيقية سليمة إنك هتتعافى من الماضي بالإستعانة بالله
وبعدين العقل بقي يحسب حسبته
بالإدراك والفهم والمعرفة واتخاذ قرارتها حقيقية بالإصلاح و التعلم من الأخطاء وتجاوز الصدمات
اتعلم توظف الأحداث الصعبة لصالحك ولفهمك للحياة ولسواءك النفسي
تشوف من كل مِحنه مِنحه