مسلسل // يوميات شكرية المجنونة وفخري الرخم 🤣!

الحلقة السادسة / شكرية حامل
الجزء التاني والأخير.
.
.

:/ انتي فين ياااااا حجة أماااا!!
//: يااا شكرية تعااالي انا أعده في البلكونة، تعاالي سلمي على بنت خالتك صفاء!

/: صفاااء!!😱 😬😳😳..🤔، فخري خلاص يا حبيبي، روح واسبقني على البيت ما تخفش عليا حشوف الحجة ورجعالك مش حتأخر عليك يا حبيبي 😌.

///: وليه يا شكرية! حفضل معاكي نسلم على الحجة ونشرب كوباية شاااي ونروح..

//: مين وياااكي يا شكرية، تعاالي بقى يا بت، الله! 🤔

////: ميين؟ شكرية حببتي!! ، تعالي أبوسك يا بت دانا اشتقتلك أوي ياختي، إمووواه.. ، ومين داه الي وياكي أكيد داه جوزك فخري مش كده،!؟ إزيك يا فخري عامل إييه؟! 😁

///: الله يسلمك، الحمد لله.😐

/:😳😳، إيه الجمال كله داه يا بت معرفتكيش والله، أهلا بحبيبتي صفاااء، رجعتي امتى يا بت من السفر؟، متغيرة أوي، إيه الي رجعك فجأة كده ولا مؤاخدة، واخدة إجازة من الشغل؟!

////: لا يا شكرية يا حبيبتي ، بعد ما مات جوزي الله يرحمه،سبلي يا عيني فلوس آد كده.. زهقت لوحدي.. وقلت خلاص أرجع لبلدي وأهلي.. والوحدة مننا من غير راااجل يا شكرية يحميها ويقف وياها متادرش تعيش في الغربة لوحدها.. مش كده يا فخري يا خويا 😁.

/: 😳😳😡
/: تعرفي يا صفاء يا بنت خالتي، وشك علينا كله خير.. صحيح يمااا ليك عندي خبر يفرح أوي.
//: بجد يا شكرية، فرحيني يا بت؟
/: انا حااامل يمااا 😁
//:والله!! تعالي يا حبيبتي احضنك، يا ما أنت كريم يااااارب، مبروك عليكم يا عيال😍

////: مبروك عليكم يا شكرية و يا فخري يا خويا.. فرحتلكم من كل ألبي ، ربنا يكمل على خير..😁

/ :طييب ياما نفوتك بعفية، حنروح..🙄
//: خليكي يا شكرية حتفطروا معانا أنتي وفخري.
/: مرة تانية يماااا عندي شغل في البيت! 😉

////:أنا أولت تفطروا معانا، يعني تفطروا معانا😤
//: خلاااص يا شكرية بقى، إفطري انتيع النهاردة ويا الحجة 😁وأنا حروح وأهو بالمرة تساعديها.. ميصحش كده يا حبيبتي! 😁
/:😳، ماااشي يا فخري، ماشي يا حبيبي بس نروح البيت انا حوريك المساعدة على أصولها!😤 😡

/: فرصة سعيدة يا صفاء، اسمحولي دلوقتي.. اشوفكم على خير.. 👋

//: تسلم إيديك يا خالتي، دا الفطار يجنن، من زمااان ما اكلتش زي كده 😘.

// صحة وعافية يا صفاء يا حبيبتي، إنتي عزيزة عليا أوي حتة من روح أختي الكبيرة الله يرحمها وكأنك بنتي شكرية وأكتر. 😁

// اتأخرت كده، ولازم امشي يا خالتي ..😣
//: باتي عندنا الليلة.. وتروحي بكرة؟!
///: لاء، لاء.. يا خالتي مأدرش واختي إبتهال حتقلق عليا.. أنا لازم امشي، حاجي مرة تانية..عن اذنك يا شكرية إبقي سلميلي على فخري. 😁

/:😳
//: مالك يا بت يا شكرية متكلمتيش يعني كتير مع بت خالتك!؟ وطول الوقت ساكتة!! 😡
//: يماا ما أنتي بتعرفي من وحنا صغيرين وهي طول حياتها بتغاااار مني أوي وما بطيقهاش خاالص . إنتي شفتيها بتبص وبتكلم فخري ازاي دي عنيها ما نزلتش ولا اتشالت عنه طول ما هو آعد معانا!! 😳

///: حزعل منك كده يا بت، إنتي مجنونة بجد 😳؟!! صفاء بنت خالتك طول عمرها وهي كده بتكلم الكل بالطريقة دي متحررة شوية.. وأكيد الغربة والفلوس خلتها تتغير حبتين زيادة ، دي لو تشاور كده مليون راجل يتمناها.. وهو يعني حتسيب كل رجالة الدنيا وتبص على جوزك فخري الرخم الي محلتوش حاجة 😂 😂

:/ كده يماااا،😡 هو صحيح جوزي محلتوش حاجة ووظيفته على اده.. ، بس راجل هيبة😍 هو بالنسبالي بكل رجالة الدنيا، بكفي يمااا طلته الجميلة عليا وهيبته، وجماله.. ووو😍وحنيته.
:/ إتوكسي يا بت، الراجل ما يعبهوش غير جيبه، هو أنا من الأول مكنتش موافقة على جوازك.. آل إيه بحبه يا ماما، ومش حتجوز غيره.. الله يرحمه ابوكي هو السبب وقف في وشي وقتها ووافق، وألي انا بشتري راجل يا فخرية والبت عاوزاه!🙄

//: ياماا الحياة مش فلوس وخلاص.. اللقمة من غير حب وتفاهم ما تتاكلش يماا.. ويلي واخد القرد على فلوسه تروح الفلوس ويفضل القرد على خيبته!!..🤣
حروح اشتقت لفخري حبيبي..حروح اشوف المجنون داه بيعمل إيه لوحده.. سلام يماااا فتك بعافية..

/: طول عمرك يا شكرية حتفضلي مجنونة ولسانك أطول منك 😂

/:😳
.
.